نشكر الله من أجل هذه الفرصة الرائعة التي من خلالها نستطيع أن نمجد الله وأن نعلن عن هذا الإله العظيم كما قصد هو وتكلم عن نفسه في وحيه الإلهي بالكتاب المقدس. مصلين أن يرشدنا بنعمة روحه القدوس وأن يرافق كلماته لتأتي بثمر لمجده المبارك الذي له كل المجد والإكرام الى الأبد آمين.
خبــــــــر مفررررررح
انا اسمى ايفون وامى كانت مريضه بالكانسر وفى اخر مراحل المرض اللى انتشر فى جسمها هى كانت تعبانه جدا وغابت عن الوعى لكن ربنا حنين قوى علينا وانا روحت دير الشهيد العظيم سريع الندهه مارجرجس فى مصر القديمه وتماف اعطيتنى صورتين للشهيد وامبوبتين زيت و3 انابيب زيت للشهيده فيلومينا وكمان مليت ارازتين ميه من البير اللى شربته منه العيله المقدسه وخليت ماما تشرب منها ودهنتها بالزيت والنهارده ابونا جه وناولها جسد ودم ربنا والمعجزه حصلت والشهيد اﻷمير جه وزارنا فى البيت . انا كنت بنضف واغسل واختى كانت قاعده جنب ماما وماما كانت نايمه على السرير وفجأه سمعت صوت حصان فجريت على الصاله ﻷن الصوت جاى من هناك فﻻقيت قدامى فارس راكب حصان ابيض وﻻبس مﻻبس الرومان انا اتسمرت فى مكانى ومقدرتش انطق وﻻ اتحرك ولقيته ابتسم وقالى "مالك يا ايفون مخضوضه ليه ومش بترحبى بيا ليه دا انا ضيفك وجيت بيك اهو زى ما انتى جيتى ديرى علشان تطلبى منى اشفى مامتك وانا جيت اهو علشان تعرفى انى سريع الندهه " وبعد كده نزل من على الحصان ودخل اﻷوضه اللى ماما نايمه فيها وهى طبعا مكنتش حاسه بحاجه بس اختى شافته وسمعته والشهيد حط ايده على راسها وعلى عينيها ومشى بأيده على عظمها وحط ايده فتره طويله على بطنها وكان بيقول كﻻم كده انا مفهمتهوش وبعدين نفخ فى وشها وقال خﻻص كده السرطان مات وابتسم واختفى .
وبعد كده لقينا البيت كله اتملى بالبخور وماما قامت كده لوحدها وبتقول هو ايه اللى حصل انتوا سيبتونى نايمه كتير كده ليه وبدأت تضحك وتقول انا حاسه انى خفيت .
بس مش عارفه اوصف اللحظات دى مرت ازاى وكأنها حلم جميل . اشكر ربنا والشهيد مارجرجس والشهيده فيلومينا واقولكم ان زمن المعجزات لسه موجود وان الغير مستطاع عند الناس مستطاع عند الله .
