نشكر الله من أجل هذه الفرصة الرائعة التي من خلالها نستطيع أن نمجد الله وأن نعلن عن هذا الإله العظيم كما قصد هو وتكلم عن نفسه في وحيه الإلهي بالكتاب المقدس. مصلين أن يرشدنا بنعمة روحه القدوس وأن يرافق كلماته لتأتي بثمر لمجده المبارك الذي له كل المجد والإكرام الى الأبد آمين.
معجزة ظهور الملاك ميخائيل فوق قباب الكنيسة الساعة ١ ليلا واستمرار الظهور حتى صباح اليوم التالي ...
تفاصيل الظهور ...
ظهور رئيس الملائكة ميخائيل بكفر سمري منياالقمح يوم الاربعاء 24/7/2019 الساعة الواحدة صباحا
تحكى لنا سهير لويس جرجس عزبة النخل / القاهرة , و زيزيف عادل انيس منيا القمح / الشرقية
كنا في كنيسة الملاك ميخائيل كفر سمرى لقضاء خلوة روحية يوم 24/7/2019 وقمنا بالمبيت في عمارة الكنيسة بعد حضور التسبحة في الكنيسة ...
وتحكي مدام سهير: انا كنت نايمة لحد الساعة 1 صباحا وصحيت من النوم وقولت نفسي اشوف الملاك ميخائيل لقيت قوة صحتني وقومت من على السرير خرجت علي البلكونة في الدور الثالث وشوفت الملاك ميخائيل بمنظر كامل وواضح جدا وكانت أجنحته كبيرة جدا ومن كتر الرهبة والخوف حسّيت اني اتخشبت وصوتي مش طالع لمدة 5 دقايق وكنت أبكي من الفرحة ودخلت نفس الدور في العمارة وكانت نايمة جنب الحجرة بتاعتي مدام زيزف وصحيتها من النوم علشان تشوف معايا الملاك ميخائيل وفعلا خرجت معايا في البلكونة لرؤية الملاك ميخائيل .
وتحكى مدام زيزف:
انا كان نفسي أشوف الملاك ميخائيل من زمان وعندي في الحجرة على الدولاب صورة للملاك ميخائيل لقيت الساعة 1 صباحا مدام سهير بتخبط عليا وتصحيني وتقولي قومي شوفي الملاك ميخائيل ظاهر على المنارة جنب الصليب وخرجت معاها وشوفت فعلا الملاك ميخائيل بأجنحة طويلة جدا وكان يفتح أجنحته ويضمها وفضلنا نصلي ونطلب من أجل شفاء الناس اللي احنا عارفينهم ومن أجل الأباء الكهنة فى الكنيسة والخدام ومن أجل أسرتنا ونلاقي الملاك ميخائيل يفتح أجنحته ويضمها بعد كل طلبة
وبدات مدام سهير اللي معايا تزغرط وكل متزغرط الملاك ميخائيل يفتح أجنحته أكتر ويضمها وكان تحت العمارة واقفين العساكر خدمة على الكنيسة بدوا يزعقوا معانا علشان بنزغرط في وقت متأخر وبعد كدة اختفى الملاك ميخائيل لمدة نص ساعة وفضلنا نصلي ونطلب منه أنه يظهر مرة أخرى ونقوله علشان خاطر ابونا صموئيل وابونا يسطس وابونا ابرام عايزين نشوفك تاني ورجع تاني الملاك ميخائيل يظهر وكنا فرحانين وبنزغرط تاني وفعلا الظهور دة من الساعة 1 لحد الساعة 5.5 صباحا وكان لون أجنحته أبيض ناصع البياض ورمادي ..
وآخر حاجة لقينا الملاك ميخائيل طار من على المنارة وشوفنا مظهره زي حمامة كبيرة جدا بأجنحة جميلة جدا وفضل يلف على العمارة اللي احنا بنبات فيها 3 مرات وبعد كدة اختفي فوق العمارة اللي احنا واقفين فيها ونشكر ربنا على محبته الكبيرة جدا وعلى البركة الكبيرة اللى احنا لا نستحقها
بركة شفاعة ام النور ورئيس الملائكة الجليل ميخائيل تكون معانا ولربنا المجد الدائم أمين
